சிவகார்த்திகேயன், யோகி பாபு, ரெடின் கிங்ஸ்லி, கருணாகரன் மற்றும் பலர் நடித்த “அயலான்” திரைப்படம் அடுத்த வருடம் 2024 பொங்கலுக்கு வெளியாக உள்ளது.
அயலான் திரைப்படத்தை கே.ஜே.ஆர் ஸ்டூடியோஸ் ( KJR STUDIOS ) தயாரிக்கிறது. ‘இன்று நேற்று நாளை‘ திரைப்படத்தை இயக்கிய ஆர் ரவிக்குமார் இந்த திரைப்படத்தை இயக்கி இருக்கிறார்.
இந்த திரைப்படத்துக்கு ஏ.ஆர்.ரகுமான் இசையமைக்கிறார். ஏற்கனவே அயலான் திரைப்படத்திலிருந்து முதல் பாடல் வந்துவிட்ட நிலையில் தற்போது இரண்டாவது பாடல் டிசம்பர் 20ஆம் தேதி வெளியாக உள்ளது.
இந்தப் பாடலுக்கு ‘அயலா அயலா’ என்று பெயர் வைக்கப்பட்டுள்ளது.
‘அயலான்’ திரைப்படத்தில் வரும் வேற்று கிரகவாசி அதாவது ஏலியன் கதாபாத்திரத்திற்கு நடிகர் சித்தார்த் குரல் கொடுக்கிறார் என்பது குறிப்பிடத்தக்கது.