தளபதி விஜயின் 68 ஆவது படத்துக்கான பட பூஜை ஏற்கனவே நடந்து முடிந்துள்ளது. இந்த நிலையில் படத்தின் பெயர் குறித்து விஜய் ரசிகர்கள் கேட்டுக் கொண்டே வந்த நிலையில் தயாரிப்பாளர் ஏஜிஎஸ் என்டர்டைன்மென்ட் (AGS Entertainment) சார்பாக அர்ச்சனா கல்பாத்தி அவரது ட்விட்டர் பக்கத்தில் ஒரு ட்வீட் போட்டு உள்ளார்.
அதில் விரைவில் வெங்கட் பிரபு அவரது படத்துக்கான பெயரை அறிவிப்பார். அனேகமாக படத்தின் பெயர் பாஸ்(Boss) அல்லது பஸ்ஸில்(Puzzle) என்று தான் இருக்க வேண்டும்; பொறுத்திருந்து பார்ப்போம்” என்று கூறியுள்ளார்.
வெங்கட் பிரபு இயக்கும் இந்த திரைப்படத்தில் தளபதி விஜய்,பிரபுதேவா, நடிகர் பிரசாந்த், யோகி பாபு, சினேகா மற்றும் பலர் நடித்து வருகிறார்கள்.
தளபதி 68 வது படத்திற்கு யுவன் சங்கர் ராஜா இசை அமைகிறார். தளபதியுடன் நீண்ட காலத்திற்கு பிறகு தற்போது அவரது படத்தில் மீண்டும் இசையமைக்கும் வாய்ப்பு யுவன் சங்கர் ராஜாவுக்கு கிடைத்துள்ளது.
விரைவில் தளபதி 68 ஆவது படத்துக்கான அறிவிப்புகளை அடுத்த 2024 வருடத்தில் எதிர்பார்க்கலாம் என்று நம்பப்படுகிறது.
முதன்முறையாக வெங்கட் பிரபு-தளபதி விஜய் கூட்டணியில் உருவாகும் இந்த திரைப்படம் அவரது ரசிகர்கள் மத்தியில் மிகப்பெரும் எதிர்பார்ப்பை உருவாக்கியுள்ளது. அது மட்டுமல்லாமல் வெங்கட் பிரபு–யுவன் சங்கர் ராஜா கூட்டணியில் ஏற்கனவே வெளியான மங்காத்தா,மாநாடு போன்ற திரைப்படங்களின் வெற்றிகள் இந்த திரைப்படத்திற்கும் அமையும் என்று நம்பப்படுகிறது.