இடுகுறிப் பெயரும் காரணப் பெயரும்

“மரம் ” என பெயர் வைத்ததற்கு எந்த காரணமும் இல்லை. நம் முன்னோர்கள் எந்த காரணமும் கருதாமல் ஒரு பொருளுக்கு குறியீடாக இடும் பெயருக்கு இடுகுறிப் பெயர் என்று அழைக்கப்படுகிறது.

எடுத்துக்காட்டாக, 

மரம், மழை ,மண், காடு , மாடு , நாய் முதலிய பல …….. இடுகுறிப்பெயர்கள் தமிழ் மொழியில் உள்ளன..

நாற்காலி என்ற வார்த்தையை எடுத்துக்கொள்வோம். நான்கு கால்கள் இருப்பதால் அதனை நாம் நாற்காலி என்று அழைக்கிறோம். இதே போல தான் ஒரு காரணம் கருதி பெயரிட்டு இருப்பதற்கு காரணம் பெயர் என்று அழைக்கப்படுகிறது.

எடுத்துக்காட்டாக, 

பறவை ,செங்கல் , கரும்பலகை , வளையல் , முக்காலி முதலிய பல…. காரணப் பெயர்கள் தமிழ் மொழியில் உள்ளன.

மலை , காடு, மாடு  என்ற வார்த்தைகளை எடுத்துக்கொள்வோம். மலை என்பது அனைத்து மலைகளுக்கும் பொதுவான பெயர்; இதேபோல காடு என்பதும் அனைத்து காடுகளுக்கும் பொதுவான பெயர்; மாடு என்பதும் அனைத்து மாடுகளுக்கும் பொதுவான பெயர். எனவே இவ்வாறு பொதுவாக வரும் அனைத்து இடுகுறிப்பெயர் களுக்கும் இடுகுறிப் பொதுப்பெயர் என்று அழைக்கப்படுகிறது.

மா , பலா ,வாழை ,தென்னை முதலிய மரவகை அனைத்திற்கும் இடுக்குறிப்பெயராக பொதுவாக வரும். ‘தென்னை ‘ என்னும் சொல் ஒரு காரணமும் இன்றி , இடுக்குறிப்பெயராக (தென்னைமரம் ) சிறப்பாய் வருவதனால் இடுக்குறி சிறப்புப் பெயராயிற்று. 

பறவை என்னும் சொல்லை எடுத்துக் கொள்வோம். பறப்பதால் பறவை  எனக் காரணம் கருதி வழங்கும் பெயராயிற்று .காகம் , குயில் ,புறா ,கிளி ஆகிய அனைத்தையும்  ‘ பறவை ‘ என்னும் பொதுச்சொல்லால் அழைக்கிறோம் .